Archive for the ‘அஜித்’ Category

நடிகைகளைக் கட்டிப் பிடிப்பது தமிழக முதல்வராவதற்கு தகுதியென்றால், கட்டிப்பிடித்தவர்கள் – கட்டிப்பிடிக்கப்பட்டவர்கள் யார்-யார் (3)?

ஒக்ரோபர் 14, 2010

நடிகைகளைக் கட்டிப் பிடிப்பது தமிழக முதல்வராவதற்கு தகுதியென்றால், கட்டிப்பிடித்தவர்கள் – கட்டிப்பிடிக்கப்பட்டவர்கள் யார்-யார் (3)?

விஜயகாந்தின் நெருங்கிய நண்பர்: காஜா மைதீன் புராணம் தொடர்கிறது! நடிகர் விஜயகாந்தின் நெருங்கிய நண்பராகவும் விளங்கினார் காஜா மைதீன். விஜயகாந்த்தை வைத்து சில படங்களையும்எடுத்துள்ளார்[1]. தொடர்ந்து அவரது நெருங்கிய நண்பராக விளங்கிய காஜா மைதீன், தற்போது விஜயகாந்த்தை வைத்த பேரரசு என்ற படத்தை எடுத்துள்ளார். கமல்ஹாசனை வைத்து வேட்டையாடு விளையாடு படத்திற்கான பூஜையையும் போட்டு மாட்டிக்கொண்டார். பேரரசு படத்தின் போது காஜா மைதீனுக்கும், விஜயகாந்த்துக்கும் இடையே மனக் கசப்பு ஏற்பட்டதாக கூறப்படுகிறது. விஜயகாந்த்துக்கு பேசப்பட்ட சம்பளத்தின் ஒரு பகுதியை தர முடியாத அளவுக்கு பண நெருக்கடியில் காஜா மைதீன் சிக்கியதாக தெரிகிறது. இதன் காரணமாக பேரரசு படத்தில் நடிப்பதை நிறுத்தி விட்டு தனது மைத்துனரின் தயாரிப்பில் சொந்தப் படத்தில் (சுதேசி) நடிக்கப் போய் விட்டார் விஜயகாந்த். திடீரென விஜயகாந்த் தனது சொந்தத் தயாரிப்பில் நடிக்கப் போய் விட்டதால் மனம் உடைந்தார் காஜா மைதீன். அடி மேல் அடியாக, வேட்டையாடு விளையாடு படத்திற்கு தேவையான பணத்தை திரட்ட முடியாமல் அவஸ்தைப்பட்டார். இதனால் அந்தப் படம் பூஜையுடன் நின்றதாம். இந்த நிலையில் தான் பைனான்சியர் ரூபத்தில் பெரும் சிக்கலில் சிக்கினாராம் காஜா மைதீன். கடனைக் கேட்டு நெருக்கிய பைனான்சியர், அதற்கு ஈடாக காஜா மைதீன் மனைவியான நடிகை ஆம்னியின் பெயரில் இருந்த ரூ. 4 கோடி மதிப்பிலான சொத்துக்களை தனது பெயருக்கு மாற்றி எழுதி வாங்கிக் கொண்டார். இதனால் ரொம்பவே நொந்து போய் விட்டார் காஜா மைதீன். இந்த சோகத்தின் காரணமாகவே அவர் தற்கொலைக்கு முயன்று 40 தூக்க மாத்திரைகளை சாப்பிட்டுள்ளார். காஜா மைதீனுடன் சேர்ந்து அவரது மனைவி ஆம்னியும் தூக்க மாத்திரைகளை சாப்பிட்டுள்ளது தற்போது தெரியவந்துள்ளது.

காஜாமைதீன் மனைவி நடிகை ஆம்னியும் தற்கொலை முயற்சி? காஜா மைதீன் தற்கொலைக்கு முயன்றது கோலிவுட்டில் பரபரப்பை ஏற்படுத்தியுள்ளநிலையில் அவரது மனைவியும், முன்னாள் நடிகையுமான ஆம்னியும் தூக்க மாத்திரைகள் சாப்பிட்டுத் தற்கொலைக்கு முயன்றது தற்போது தெரியவந்துள்ளது. கடன் தொல்லை காரணமாக கணவனும், மனைவியுமாக தூக்க மாத்திரைகளை சாப்பிட்டுள்ளனர். ஆம்னி 10 தூக்கமாத்திரைகளை சாப்பிட்டுள்ளதாக தெரிகிறது. ஆனால் அதிர்ஷ்டவசமாக அவர் மயக்க நிலைக்குச் செல்லாமல் உயிர் தப்பினார். ஆனால் காஜா மைதீன் அதிக அளவில் மாத்திரைகள் சாப்பிட்டதால் மயக்க நிலைக்குப் போய் விட்டார்.தற்போது காஜா மைதீன் ஆபத்து கட்டத்தைத் தாண்டி விட்டார். மயக்கம் தெளிந்து குணமடைந்து வருகிறார். அவரை செய்தியாளர்கள் சிலர் மருத்துவமனைக்கு சென்று சந்தித்தனர். அப்போது, “தமிழ் சினிமாவைப் பற்றி நான் நிறையவிஷயங்களைச் சொல்ல வேண்டும். ஆனால் எனது உடல் நிலை காரணமாக அதிகம் பேசக் கூடாது என்று டாக்டர்கள் கூறியுள்ளனர். தமிழ் திரையுலக நன்மைக்காக நான் நிறைய பேச வேண்டியுள்ளது. சனிக்கிழமை உங்களிடம் விரிவாகப் பேசுகிறேன்”, என்று கூறினார் காஜா மைதீன்.

ஆமனியும் கமலுக்குத் தெரிந்தவர்தான்: கமல்ஹாசன்-காஜா மொய்தீன் தொடர்புகளின் பின்னணியும் ஆழமானது தான். ஆமனி கமலஹாசனுக்கு தெரிந்தவர்தாம், 19945ல் சுபசங்கல்பம் என்ற தெலுங்கு படத்தில் ஜோடியாக நடித்துள்ளார். கமலைப் பொறுத்தவரைக்கும் நடிகைகள் என்றலே கட்டிப்பிடிதான், ஆனால், முதல்வர் ஆகும் ஆசை இல்லை என்கிறார். சுபசங்கல்பத்தில் எப்படி கட்டிப்பிடித்தார் என்று ஆனமியைத்தான் கேட்க வேண்டும்.  ஆமாம், உலகநாயகனாகி விட்டதால், நேராக வேறு பதவிக்குச் செல்லவேண்டும் என்ற ஆசையுள்ளது போலும்!

மதுரையைச் சேர்ந்த கந்து வட்டிக்காரர்களின் அட்டகாசம்: திரையுலகை ஆட்டிப் படைத்து வரும் மிகப் பெரிய பிரச்சினையாக தற்போது கூறப்படுவது கந்து வட்டிக்காரர்களின் அட்டகாசம் தான். மிகப் பெரிய திராவிடக் கட்சி ஒன்றின் துணையுடன் சில கந்து வட்டிக்காரர்கள் (குறிப்பாக மதுரையைச் சேர்ந்த ஒரு முக்கியமான புள்ளி) திரையுலகினை ஆட்டிப்படைத்து வருவதாக நீண்ட காலமாகவே முணுமுணுப்பு இருந்துவருகிறது[2]. இந்த கந்து வட்டிக் கும்பலிடம் சிக்கி சீரழிந்தவர்கள் பட்டியல் மிகப் பெரியது என்று திரையுலகினர் வருத்தத்துடன் குறிப்பிடுகின்றனர். பிரபல தயாரிப்பாளர் ஜீ.வி. கந்து வட்டிக்காரர்களின் அட்டகாசத்தால் தான் உயிரையே விட்டார். நடிகை தேவயானி, ரம்பா, கார்த்திக் என பலர் தங்களது சொத்துக்களை இழந்தனர். பலரை கந்து வட்டிக் கும்பல் கடத்தி வைத்துமிரட்டி பணத்தையும், சொத்தையும் பறித்துள்ளது. அதுபோன்ற ஒரு கும்பலிடம் தான் தற்போது காஜா மைதீன் மாட்டியுள்ளதாக தெரிகிறது. கடன் தொல்லையிலிருந்து தன்னைக்காப்பாற்ற தனக்கு நெருக்கமான சிலரை காஜா மைதீன் அணுகியபோது அவர்கள் கைவிட்டு விட்டதாகவும்,அதன் காரணமாகவும், சொத்தை இழந்த சோகம் காரணத்தினாலும் தான் காஜா மைதீனும், அவரது மனைவியும் தற்கொலைக்குமுயன்றதாக கூறப்படுகிறது.

ஆம்னி ஆயிஷாவாக மாறிய பிறகு குடும்பப் பிரச்சினைகள்: ஆம்னி தயாரிப்பாளர் காஜா மைதீனை மணந்தபிறகு நடிக்கவில்லை.  இவரது தம்பி சீனிவாஸ். இவருக்கும், ஆந்திர மாநிலம் நெல்லூரைச் சேர்ந்த லீலாவதி என்பவருக்கும் 12 வருடங்களுக்கு முன்பு திருமணம் நடந்தது. இவர்களுக்கு ப்ரீத்தி என்ற 11 வயது மகள் உள்ளார். சென்னையில் குடித்தனம் செய்து வந்தனர். சீனிவாஸுக்கு குடிப்பழக்கம் உண்டு. இதனால் அடிக்கடி லீலாவதியை அடித்துக் கொடுமைப்படுத்தி வந்தார். இத்தனைக்கும் திருமணத்தின்போது லீலாவதிக்கு அவரது பெற்றோர் ரூ. 7 லட்சம் பணம், 45 பவுன் நகைகள், 10 கிலோ வெள்ளியை அள்ளிக் கொடுத்துள்ளனர். ஆனால் குடித்து விட்டு வந்து தினசரி மனைவியை அடிப்பது, கூடுதல் வரதட்சணைக் கேட்டுக் கொடுமைப்படுத்துவது என இருந்தார் சீனிவாஸ்.

குஷ்புவின் “உல்டா கேஸ்” போல இருக்கிறது: குஷ்பு முஸ்லீமாக இருந்து இந்துவாக மாறி கல்யாணம் செய்து கொண்ட போது, தனது சகோதரர் மூலம், சில பணவிஷயங்களில், குஷ்பு பெயரும் அடிபட்டது. அதாவது குஷ்பு தனது முஸ்லீம் சகோதரருக்கு உதவினாராம். கணவருக்கு அது பிடிக்காமல் இருந்தபோது, ஒதுங்கி விட்டதால், சகோதரருக்கு மன வருத்தம் ஏற்பட்டதாம். இனி ஆம்னி விஷயத்தைப் பார்ப்போம்.

இரு மாநில போலீஸாரிடம் புகார்[3]: கணவரின் கொடுமையைப் பொறுக்க முடியாத லீலாவதி நெல்லூர் போலீஸில் நேற்று ஒரு புகார் கொடுத்தார். அதில், “எனது கணவர் தினமும் குடித்து விட்டு வந்து அடித்து துன்புறுத்துகிறார். எனது தாய் வீட்டுக்கு சென்று வரதட்சணை வாங்கி வரும்படி சித்ரவதை செய்கிறார்[4]. இதற்கு அவருடைய தாய் சரோஜாவும், நாத்தனார் நடிகை ஆம்னியும் உடந்தையாக உள்ளனர். எனது உயிருக்கு ஆபத்து ஏற்பட்டதால், சென்னையில் இருந்து தப்பி தாய் வீட்டுக்கு வந்து விட்டேன். இது குறித்து சென்னை போலீசிலும் புகார் செய்தேன்”, என்று கூறியுள்ளார். இதையடுத்து ஆம்னி, தாயார் சரோஜா, சீனிவாஸ் மீது போலீஸார் புகார்ப் பதிவு செய்து விசாரித்தனர். இதைத் தொடர்ந்து சீனிவாஸ் கைது செய்யப்பட்டார். ஆம்னி, சரோஜாவையும் கைது செய்யப் போவதாக கூறியுள்ளனர்[5].

ஆமனி தலைமறைவாகி விட்டாரா? சீனிவாசுக்கு இரண்டு மனைவிகள் – முதல் மனைவி – கே. லீலாவதி, இரண்டாவது – தேவிகலா. முதல் மனைவிக்குத் தெரியாமல், இரண்டாவது திருமணத்தை செய்துள்ளான். இதற்கு ஆமனி உதவியுள்ளதாகத் தெரிகிறது[6]. பெண் போலீஸார் ஆமனியைத் தேடுவதால், தலைமறைவாகியுள்ளார் என்று சொல்லப்படுகிறது[7].

வேதபிரகாஷ்

14-10-2010


[1] இப்ராஹிம் ராவுத்தர் எங்கே சென்று விட்டார் என்று தெரியவில்லை!

[2] ஆனால், அந்த திராவிட கட்சி எது, திராவிடர்களுக்கு இத்தகைய பாரம்பரியங்கள் உண்டா இல்லையா என்றெல்லாம் ஆராய்ச்சி செய்ய மாட்டார்கள் போலும்!

[3] உஷா சௌத்ரி என்பவர் நடிகைகளின் தனிப்பட்ட வாழ்க்கையில் பிரச்சினைகள், தோல்விகள், விவாக ரத்துகள் முதலியன ஏன் வருகின்றன  என்று அலசுகிறார்.

http://www.greatandhra.com/ganews/viewnews.php?id=22592&cat=1&scat=4

நடிகர் திருமாளவன், தமிழின் பெயரால் ரஜினி-அஜித் ஆகியோருக்கு எச்சரிக்கை!

பிப்ரவரி 21, 2010

நடிகர் திருமாளவன், தமிழின் பெயரால் ரஜினி-அஜித் ஆகியோருக்கு எச்சரிக்கை!

கோலிவுட்டில் அமைதி உடன்படிக்கை!
இனி “அஜித்” சமாசாரம் கிடப்பில் போடப்படும் என்பதால், நடிகர்களும், சங்கக்களும் இந்த பிரச்சினைப் பற்றி ஊடகத்தாரிடம் எதையும் பேசவேண்டாம் என்றும், பிரச்சினையை பெரிதாக்கவேண்டாம் என்றும் கேட்டுக்கொண்டுள்ளது!
Temporary truce in Kollywood!
By Moviebuzz | Sunday, 21 February , 2010, 12:48

A temporary truce has been brought out after a meeting of various unions of Tamil film industry met on Saturday (Feb 20) to sort out the aftermath of Ajith’s controversial speech at a function organised to felicitate Chief Minister M Karunanidhi.

The meeting chaired by Tamil Film Producers Council president Rama Narayanan, FEFSI president V C Guhanathan, Nadigar Sangam general secretary Radha Ravi, R K Selvamani from Tamil Film Directors Association and representatives of film distributors association, exhibitors and theatre owners association demanded an unconditional apology from Ajith. They also condemned Rajinikanth’s statements on the issue.

Meanwhile Ajith and Rajinikanth kept their cool and refused to make any apology. In an interview to an English newspaper, Ajith struck to what he had said in his speech.

Expanding on the comments made at a function, the actor made it clear: “Let stars choose what causes they want to endorse without making it an issue of loyalty to the state or country,”

The Saturday film industry meeting has temporarily put the “Ajith issue” on the backburner. They requested artistes and associations not to talk to media over the issue and vitiate the matter further.

ajith-rajini-fefsi-20-02-10-2

ajith-rajini-fefsi-20-02-10-2

திருமாவளவன் பேசும் வசனங்கள்: ரஜினிகாந்த், அஜீத் குமார் ஆகியோரின் செயல்பாடுகள் தமிழ் இன விரோத செயலாக உள்ளது என திருமாவளவன் அறிக்கை விடுத்துள்ளார்[1]. திருமாவளவனுக்கே நடிக்கவேண்டும் என்ற ஆசையில் நான்கைந்து படங்களில் நடிக்கிறார் என்றெல்லாம் செய்திகள் வந்தன. அன்புதோழி, மின்சாரம்……என பட்டியல் நீண்டது! ஆனால் அவை வெளிவந்ததாகத் தெரியவில்லை. இவரும் மற்றவர்களைப் போல “மக்கள்-டிவியில்” அடிக்கடி பேட்டி என்ற ரீதியில் நடித்து வந்தார். ஒன்றும் எடுபடவில்லை. ஆகவே நடிகர்கள்மீது, அவருக்கு இருக்கும் கோபம் நியாயமானதே!

ரசிகர்கள் என்ற பெயரில் சமூக விரோத வன்முறைக் கும்பல்: இதுகுறித்து நேற்று அவர் வெளியிட்ட அறிக்கை: “கடந்த சில நாட்களுக்கு முன்பு திரைப்பட சண்டை இயக்குநர் ஜாக்குவார் தங்கம் அவர்கள் வீட்டின் மீது தாக்குதல் நடந்துள்ளது. அதில் ஜாக்குவார் தங்கம் அவர்களின் மனைவி காயம்பட்டு மருத்துவமனையில் அனுமதிக்கப்பட்டுள்ளார். ரசிகர்கள் என்ற பெயரில் சமூக விரோத வன்முறைக் கும்பல் அடுத்தடுத்து இரண்டு நாட்களில் இந்த வன்முறையை நடத்தியுள்ளது[2]. அண்மையில் தமிழக முதல்வர் மாண்புமிகு கலைஞர் அவர்களைப் பாராட்டி நடத்தப்பட்ட விழா ஒன்றில் நடிகர் அஜீத் இத்தகைய விழாவுக்கு வரும்படி சிலர் மிரட்டுகின்றனர் என்று முதல்வர் முன்னிலையிலேயே பேசினார். அவ்வாறு அஜீத் பேசியதற்கு ஜாக்குவார் தங்கம் தம்முடைய எதிர்ப்பை வெளிப்படுத்தினார். இதற்காக அஜீத் ரசிகர்களும் ரஜினி ரசிகர்களும் இந்த வன்முறையில் ஈடுபட்டிருப்பதாகத் தெரிகிறது”.

கருத்தைக் கருத்தால் எதிர்கொள்ள முடியாமல் வன்முறையைக் கையில் எடுத்துள்ள இத்தகையச் சமூக விரோதக் கும்பல்: “கருத்தைக் கருத்தால் எதிர்கொள்ள முடியாமல் வன்முறையைக் கையில் எடுத்துள்ள இத்தகையச் சமூக விரோதக் கும்பல் மீது தமிழக அரசு கடும் நடவடிக்கை மேற்கொள்ள வேண்டும். ஜாக்குவார் தங்கம் உள்ளிட்ட அவரது குடும்பத்தினருக்கு உரிய பாதுகாப்பை வழங்க வேண்டும்.தமிழகத்தில் காவிரிநீர்ச் சிக்கல், முல்லைப் பெரியாறு அணைச் சிக்கல், ஈழத் தமிழர்ச் சிக்கல் உள்ளிட்ட தமிழின பிரச்சனைகளுக்காக திரைப்படத் துறையினர் தன்னியல்பாக வெகுண்டெழுந்து அறப்போராட்டங்களில் ஈடுபட்டு வருகின்றனர். இவ்வாறான போராட்டங்களின்போது ஒரு சில நடிகர்களும் நடிகைகளும் தமிழர்களின் உணர்வுகளைக் கொச்சைப்படுத்தும் வகையில் பேசுவதும் புறக்கணிப்பதும் தொடர்ந்துகொண்டுதான் இருக்கிறது. தமிழ் மண்ணில், தமிழ் மக்களின் உழைப்பில் வாழ்ந்து கொண்டிருக்கும் நிலையிலும் தம்மை வாழ வைக்கும் தமிழ் மண்ணையும் தமிழ் மக்களையும் அவமதிக்கிறபோது அத்தகைய போக்குள்ளவர்களை கண்டிப்பதும் சுட்டிக் காட்டுவதும் இயல்பானதுதான். அதனை மிரட்டுவதாகச் சொல்லி திசை திருப்புவது மேலும் உணர்வை இழிவுபடுத்துவதாகும்.

விழாவுக்கு வாருங்கள் என்று அழைப்பது எப்படி மிரட்டலாக இருக்க முடியும்? நடிகர் அஜீத் போன்றோரின் பேச்சு, தமிழர்களுக்கான போராட்டங்களிலும் விழாக்களிலும் பங்கேற்க விருப்பம் இல்லை என்பதையே வெளிப்படுத்துகிறது. குறிப்பாக, முதல்வர் அவர்களுக்கு நடந்த பாராட்டு விழாவில், தம்மை மிரட்டி அழைத்தார்கள் என்று சொல்லும் அளவிற்கு நடிகர் அஜீத்தின் போக்கு உள்ளது என்பதையே அறியமுடிகிறது.  விழாவுக்கு நிதி தாருங்கள் என்றா மிரட்டினார்கள்[3]. விழாவுக்கு வாருங்கள் என்று அழைப்பது எப்படி மிரட்டலாக இருக்க முடியும்? இதை ஊதிப் பெருக்கிப் பிரச்சனையாக்கியது மட்டுமல்லாமல், ஜாக்குவார் தங்கம் வீட்டையும் தாக்கி அவரது மனைவியைக் காயப்படுத்துவதற்கு உடந்தையாய் இருப்பது கண்டனத்திற்குரியது.

தமிழ் இனஉணர்வுக்கு[4] பங்கம் விளைவிக்க யார் முயற்சி செய்தாலும் அதனை ஒருபோதும் விடுதலைச் சிறுத்தைகள் அனுமதிக்காது: இத்தகைய சம்பவத்திற்கும் தனக்கும் சம்பந்தம் இல்லை என்றுகூட நடிகர் ரஜினி, அஜீத் ஆகியோர் அறிக்கை வெளியிடவில்லை என்பது வேதனை அளிக்கிறது. இவ்வாறான செயலில் யாரும் ஈடுபட வேண்டாம் என்று கேட்டுக்கொள்வதுதான் நாகரிக அணுகுமுறையாகும். ஆனால் அவ்வாறு அறிக்கை வெளியிடுவதற்குக்கூட அவர்கள் தயாராக இல்லை என்பதிலிருந்து அவர்களது உள்நோக்கம் புரிகிறது. தமிழகத்தில் தமிழ் இனஉணர்வுக்கு பங்கம் விளைவிக்க யார் முயற்சி செய்தாலும் அதனை ஒருபோதும் விடுதலைச் சிறுத்தைகள் அனுமதிக்காது”, என்று தெரிவித்துள்ளார்[5].

தமிழ் இன விரோத செயல், தமிழ் இனஉணர்வுக்கு பங்கம் விளைவிக்க முயற்சி: இவ்வாறு பேசுவதில் என்ன அர்த்தம் என்று தமிழ் மக்கள் அறிவார்களா? எல்லொருமே நடிகர்கள், அரசியல்வாதிகள் என்றால், பிறகு எப்படி இந்த தமிழ் இன விரோத செயல், தமிழ் இனஉணர்வுக்கு பங்கம் விளைவிக்க முயற்சி முதலியவையெல்லாம் வரும்? இனமானத்தலைவர்கள், இனமான நடிகர்கள் இப்படி நாளுக்கு-நாள் தமிழகத்தில் பெருகிவருவது வியப்பாகவே உள்ளது. இனி செம்மொழிக்கும் இவர்களெல்லாம் ஏதாவது செய்தாலும் செய்வார்கள் போலயிருக்கிறது! கருணாநிதிக்கு விழா என்றால் எல்லா நடிகர்கள்-நடிகைகள் வரவேண்டும் இல்லையென்றால் அது தமிழ் இன விரோத செயல், தமிழ் இனஉணர்வுக்கு பங்கம் விளைவிக்க முயற்சி என்றாகிவிடும் என்று மிரட்டுவது வேடிக்கைதான்.

முன்பு பத்திரிக்கையாளர்கள்-சினிமாக்காரர்கள் சண்டையைப் பார்த்தோம். இனி அரசியல்வாதிகள்-சினிமாக்காரர்கள் சண்டையைப் பார்ப்போம்!


[1] தட் ஈஸ் தமிள், ரஜினிஅஜீத்துக்கு திருமாவளவன் கண்டனம்!, ஞாயிற்றுக்கிழமை, பிப்ரவரி 21, 2010

http://thatstamil.oneindia.in/movies/news/2010/02/thirumavalavan-condemns-ajith-rajin.html

[2] இவர்கள் காங்கிரஸ் அலுவலகத்தில் சென்று கலாட்டசெய்தது, அடித்தது முதலியவற்றை மறந்துவிட்டார் போலயிருக்கிறது. ராஜிவ்காந்தி சிலை உடைத்ததிலும் அவர்கள் பங்குள்ளது.

[3] இத்தகைய வேலைகள் இவருக்கு அத்துப்படி. பாண்டிச்சேரி, காரைக்கால் முதலிய இடங்களில் உள்ள தொழிற்சாலைகளை மிரட்டி பணம் பறித்துள்ளது அங்குள்ளவர்களுக்கு நன்றாகவே தெரியும். வி.சி கூட்டங்கள் நடத்துவதற்கெல்லாம் பணம் கேட்டிருக்கிறார்கள்.

[4] இப்படி இனம் என்று பேசியே அரசியல் நடத்தும் கூட்டங்கள்தாம் தமிழர்களை உண்மையில் ஏமாற்றி வருவதை மக்கள் இன்னும் புரிந்துகொள்ளவில்லை.

[5] நக்கீரன், ரஜினி,அஜீத்தின் உள்நோக்கம் புரிந்துவிட்டது: திருமாவளவன் ஆவேசம் , ஞாயிற்றுக்கிழமை, 21, பிப்ரவரி 2010 (8:41 IST); http://www.nakkheeran.in/users/frmNews.aspx?N=27325