Archive for the ‘மாலிகாபூர்’ Category

ராணி பத்மாவதியின் தியாகத்தைக் கொச்சைப்படுத்தி, காமுகன் கில்ஜியைத் தூக்கிப் பிடிக்கும் படத்தை இந்தியர்கள் எதிர்க்க வேண்டும்!

ஜனவரி 30, 2017

 

ராணி பத்மாவதியின் தியாகத்தைக் கொச்சைப்படுத்தி, காமுகன் கில்ஜியைத் தூக்கிப் பிடிக்கும் படத்தை இந்தியர்கள் எதிர்க்க வேண்டும்!

ranveer-ready-to-play-alavuddheen-khiji-distorting-history-bollywood-style-song-dance

ஸ்ரீ ராஜ்புத் கார்னி சேனா எதிர்ப்புத் தெரிவித்தது: இந்தி பட உலகின் பிரபல டைரக்டர்களில் ஒருவரான சஞ்சய் லீலா பன்சாலி தற்போது, ராஜஸ்தானின் சித்தூர்கார் பகுதியை ஆண்ட ராணி பத்மினி கதையை மையமாக வைத்து ‘பத்மாவதி’ என்ற இந்தி படத்தை இயக்கி வருகிறார்[1]. இந்த படத்தில் தீபிகா படுகோனே, சாஹித்கபூர், ரன்வீர்சிங் ஆகியோர் நடித்து வருகிறார்கள்[2]. சரித்திரத்தைத் திரித்து படம் எடுப்பதை எதிர்த்து ஸ்ரீ ராஜ்புத் கார்னி சேனா கண்டனம் தெரிவித்தனர். பன்சாலி இப்படத்தின் கதை கற்பனை என்று சொல்லிக்கொண்டு, சரித்திர ஆதாரமில்லாமல், காட்சிகளை எடுப்பதாக அறிந்ததால், இதன் படப்பிடிப்பு ஜெய்ப்பூரில் சித்தூர்கர் கோட்டையில் நடந்ததபோது ஜெய்ப்பூரில் உள்ள ஸ்ரீ ராஜ்புத் கார்னி சேனா என்ற அமைப்பை சேர்ந்தவர்கள் கும்பலாக வந்து சஞ்சய் லீலா பன்சாலி உள்பட படப்பிடிப்பு குழுவினர் சிலரை அடித்து உதைத்ததாகவும், படப்பிடிப்பு அரங்குகளையும் அவர்கள் அடித்து நொறுக்கியதாகவும் கூறப்பட்டது[3]. வாக்குவாதத்தில் ஈடுபட்டதால், இயக்குனர் பன்சாலை சரமாரியாக தாக்கி ஆடை கிழித்து காயப்படுத்தினர். இதனால் அங்கு பரபரப்பு ஏற்பட்டது[4]. இயக்குனர் சஞ்சய் லீலா பன்சாலி படப்பிடிப்பை ரத்து செய்துவிட்டு தனது குழுவுடன் மும்பை திரும்பினார். போலீசார்நடத்திய விசாரணையில், ராணி பத்மினி கதை வரலாற்றை திரித்து, ராணி பத்மினியை கில்ஜி வம்சத்தின் கொடுங்கோல் ஆட்சிசெய்த அலாவுதீன் கில்ஜியுடன் தொடர்பு படுத்தி தவறான கருத்துடன் படம் இயக்குவதாக கூறி அவர்கள் தாக்கியது தெரியவந்தது.

bhansal-concocted-movie-padmavathi

நடிகநடிகையர்களுள் கருத்து வேறுபாடு: ஜெய்ப்பூரில், 1300-ம் ஆண்டுகளில் வாழ்ந்த வீரப்பெண்மணி, பத்மாவதி. இந்து மதத்தை சேர்ந்த இவர் முஸ்லிம் மன்னர் ஒருவரை மணந்து கொண்டதாகவும், அவருடைய வாழ்க்கை வரலாறைத்தான் ‘பத்மாவதி’ என்ற பெயரில் சஞ்சய் லீலா பன்சாலி படமாக்கி வருவதாகவும் கருதி, கார்னிசேனா அமைப்பை சேர்ந்தவர்கள் தாக்குதல் நடத்தியதாக கூறப்படுகிறது எனும் தினத்தந்திக்கு[5]சரித்திரம் என்னவென்பது தெரியாதா என்ன?. ”ஜெர்மனிக்கு போய் ஹிட்லரை விமர்சித்து படம் எடுக்க முடியுமா?” என்று தாக்குதல் நடத்தியவார்கள் ஆவேசமாக கேட்டதாக படக்குழுவை சேர்ந்த ஒருவர் தெரிவித்தார்[6]. இந்த தாக்குதல் சம்பவத்துக்கு பிரபல இந்தி டைரக்டர்கள் ராம்கோபால் வர்மா, மகேஷ்பட், இந்தி நடிகை பிரியங்கா சோப்ரா ஆகியோர் கண்டனம் தெரிவித்து இருக்கிறார்கள். சம்பவத்தின்போது தீபிகா படுகோனே, சாஹித்கபூர், ரன்வீர்சிங் ஆகிய மூன்று பேரும் படப்பிடிப்பு தளத்தில் இல்லை. தாக்குதல் சம்பவம் பற்றி இவர்கள் மூன்று பேரும் கருத்து எதுவும் தெரிவிக்கவில்லை. மூன்று பேரும் மவுனமாக இருப்பது ஏன்? என்று படக்குழுவை சேர்ந்த சிலர் கேள்வி விடுத்து இருக்கிறார்கள். குறிப்பாக, யாதாவது ஒரு பிரச்சினையை வைத்துக் கொண்டு, முற்போக்கு முகமூடியுடன் கலாட்டா செய்ய வேண்டும் என்று பாலிவுட்டில் சிலர் திட்டமிட்டு வேலைசெய்வது தெரிகிறது. சகிப்புத் தன்மை என்ற போர்வையில், 2015ம் வருடம் கலாட்டா செய்தனர். ஆனால், அவர்களே இப்பொழுது, இத்தகைய திரிப்பு வேலைகளில் ஈடுப்பட்டிருப்பது கவனிக்கத் தக்கது.

ranveer-to-play-alavuddheen-khiji-distorting-history-bollywood-style-song-danceபத்மாவதி கதாபாத்திரத்துக்கும், அலாவுதின் கில்ஜி கதாபாத்திரத்துக்கும் நடுவில் எந்த விதமான காதல் காட்சிகளோ, கற்பனைக் கனவுகாட்சிகளோ படத்தில் இல்லை: பன்சாலி மற்றும் வயாகாம் மோஷன் பிக்சர்ஸ் இணைந்து தயாரிக்கும் திரைப்படம் ‘பத்மாவதி’. இதில் தீபிகா பதுகோன், ஷாகித் கபூர், ரன்வீர் சிங் ஆகியோர் நடித்து வருகின்றனர், படத்தை சஞ்சய் லீலா பன்சாலி இயக்கி வருகிறார். இந்தப் படம் ராணி பத்மினி பற்றிய கதையைக் கொண்ட வரலாற்றுத் திரைப்படமாகும். வரலாற்றின் படி அலாவுதின் கில்ஜி, ராணி பத்மினியை தன் ஆசைக்கு இணங்க வைக்க கோட்டையை நோக்கி படையெடுத்தார். அப்போது கில்ஜியின் ஆசைக்கு இணங்க மறுத்த ராணி பத்மினி சில பெண்களுடன் தற்கொலை செய்துகொண்டார்[7]. இந்த வரலாற்றை அடிப்படையாகக் கொண்ட பன்சாலி ‘பத்மாவதி’ கதையை உருவாக்கி வருகிறார்[8]. இந்நிகழ்வைத் தொடர்ந்து பன்சாலி தயாரிப்பு நிறுவனம், “மீண்டும் தெளிவுபடுத்த விரும்புகிறோம். ராணி பத்மாவதி கதாபாத்திரத்துக்கும், அலாவுதின் கில்ஜி கதாபாத்திரத்துக்கும் நடுவில் எந்த விதமான காதல் காட்சிகளோ, கற்பனைக் கனவுகாட்சிகளோ படத்தில் இல்லை” என்று தனது ட்விட்டர் பக்கத்தில் தெளிவுப்படுத்தியுள்ளது. ஆனால், ஏற்கெனவே, டிரைலர் போன்ற காட்சிகளில் அத்தகைய காட்சிகள் இருப்பது, ஊடகங்களில் அந்து விட்டன. தான் மட்டுமல்லாது மற்ற பெண்களின் கற்பும் காக்கப்பட வேண்டும் என்று ஒட்டு மொத்தமாக ஜௌஹர் என்ற முறையில் தீக்குளித்தனர் ராஜபுதன பெண்கள். ஆகவே, அவர்களது தியாகத்தைக் கொச்சைப் படுத்துவதை, எந்த இந்தியனும் பொறுத்துக் கொள்ளமாட்டான். எனவே, பொய் சொல்லி இப்படக்காட்சிகளை உண்மையான சரித்திர இடங்களில் படமெடுக்க திட்டமிட்டுள்ளதாகத் தெரிகிறது. இத்தாக்குதலுக்கு மற்ற நடிகை-நடிகர்கள் எதிர்ப்புத் தெரிவித்துள்ளனர்[9]. சம்பவ இடத்திற்கு விரைந்த போலீசார் படப்பிடிப்பு குழுவினரை மீட்டனர். வழக்கு பதிவு செய்து 5 பேரை கைது செய்தனர்[10].

ranveer-ready-to-play-alavuddheen-khiji-distorting-history-bollywood-styleஅலாவுத்தீன் கில்ஜி – சதி, ஜோஹர் போன்றவற்றில் பெண்கள் தற்கொலை செய்து கொள்ளுதல்: அலாவுத்தீன் கில்ஜியால் ராஜபுதன பெண்கள் அதிகமாக பாதிக்கப் பட்டனர். அவர்கள் முகமதிய கொடுங்கோலர்களிடமிருந்து தங்களது மானத்தை, கற்ப்பைக் காத்துக் கொள்ள, ஒட்டு மொத்தமாக தீக்குளித்து இறந்தனர். அம்முறை “ஜோஹர் / ஜௌஹர்” எனப்பட்டது. அழகான இளம்பெண்கள் எப்படி தீக்குண்டத்தில் பாய்ந்து உயிர்களை மாய்த்துக் கொள்வது, உடல்கள் கருங்கட்டைகளாக, எலும்புகளாக மாறுவது கண்டு முகமதியர்கள் திகைத்தனர்.  மனரீதியில் அவர்கள் பாதிக்கப்பட்டனர். மேலும் கணவனுக்காக உயிர்விட்ட மனைவி சதியாக, சதிக்கடவுளாக மாற்றப்பட்டாள்.  இப்பெண்கள் உயிர் விட்ட இடங்கள், அவர்களது அஸ்தி-எலும்புகள் புதைக்கப்பட்ட இடங்கள் மற்றும் தீக்குண்டங்கள் முதலியனவும் புனித இடங்களாக மாறின.  ஒவ்வொரு மாதம் மற்றும் ஆண்டு நினைவு நாட்களில் மக்கள் லட்சக்கணக்கில் அங்கு வந்து சிரார்த்தம் / அஞ்சலி செய்தனர். இவ்வாறு முகமதியர் காலத்தில் காமத்திற்கு இலக்கான பெண்கள், தெய்வமாக்கப்பட்டார்கள், தெவீகச் சின்னங்களாக மாற்றப்பட்டார்கள்.

ranveer-ready-to-play-alavuddheen-khiji-distorting-history-bollywood-styleஇந்திய சரித்திரமும், திரிபுவாதமும், பொய்மாலங்களும்: ஆரம்பத்திலிருந்தே, ஆங்கிலேயர், இந்திய சரித்திரத்தை திரித்து எழுதினார்கள். சுதந்திரத்திற்குப் பிறகு, இடதுசாரி-மார்க்சீய சரித்திர வரைவியல் போர்வையில், ஜே.என்.யூ, தில்லி, அலிகர் போன்ற பல்கலைக்கழக சரித்திராசிரியர்கள் அதே போக்கைக் கடைப்பிடித்து, சரித்திர புத்தகங்களை எழுதினர், இன்றும் எழுதி வருகின்றனர். ஆனால், இணைதளம் போன்ற வசதிகளினால், சரித்திர ஆவணங்கள், மூல நூல்கள் முதலியன இன்று பலரும் பார்க்க, படிக்க, சரிபார்க்க ஏதுவாகி விட்டது. இதனால், உண்மை எது பொய் எது என்பது, இளைஞர்களுக்கும் தெரிய ஆரம்பித்து விட்டது. ஏனெனில், அவர்கள் சரித்திரம் சம்பந்தப்பட்ட இடங்களுக்கு செல்ல ஆரம்பித்து, அங்கெல்லாம் சிதைக்கப் பட்ட சிற்பங்கள், இடிபாடுகளுடன் கிடக்கும் கோவில்கள், மசூதி எனப்படும் கட்டிடங்கள் கோவில் தூண்கள், சிற்பங்கள் முதலியவற்றுடன் இருப்பது, அவர்களது, அறிவைத் தூண்டுவதால், படித்து உண்மையினை அறிந்து கொள்ள ஆரம்பித்து விட்டனர். தாம் படித்ததற்கும், நேரில் பார்ப்பதற்கும் உள்ள வித்தியாசங்களும் தெரிய ஆரம்பித்தன. இதனால், இத்தனை ஆண்டுகளாக பொய்யான சரித்திரம் தம் மீது திணிக்கப்பட்டிருப்பதை அறிந்து கொண்டு விட்டனர். அதனால் தான், அவர்களும் கேள்வி கேட்க ஆரம்பித்து விட்டனர். இந்நிலையில் தான், இந்த பத்மாவதி திரைப்படம், ராஜஸ்தான் மக்களை பாதித்துள்ளது. அதனால் தான், எதிர்த்து ஸ்ரீ ராஜ்புத் கார்னி சேனா எதிர்த்துள்ளது. பிடிவாதமாக அந்த இயக்குனர், தொடர்ந்து தனது வேலையைத் தொடர்ந்ததால், தாக்கியுள்ளதும் தெரிகிறது.

© வேதபிரகாஷ்

30-01-2017

ranveer-ready-to-play-alavuddheen-khiji-rajput-karni-sena

[1] தினமலர், பாலிவுட்இயக்குனர் சஞ்சய் லீலா பன்சாலுக்கு அடிஉதை: படப்பிடிப்பில்சம்பவம், பதிவு செய்த நாள். ஜனவரி.29, 2017. 06.09.

[2] http://www.dinamalar.com/news_detail.asp?id=1699753

[3] தினகரன், பிரபல இந்தி சினிமா இயக்குனர் மீது சரமாரி தாக்குதல்: படப்பிடிப்பு தளத்தில் பரபரப்பு, 2017-01-28@ 11:40:08

[4] http://www.dinakaran.com/News_Detail.asp?Nid=275617

[5] தினத்தந்தி, தீபிகா படுகோனே நடித்த படப்பிடிப்பில் ரகளை டைரக்டர் தாக்கப்பட்டார், ஜனவரி 28, 04:31 PM.

[6] http://www.dailythanthi.com/News/CinemaNews/2017/01/28163112/Padmavati-row-Bwood-slams-heinous-attack-on-Bhansali.vpf

[7] தமிழ்.இந்து, பத்மாவதிபடப்பிடிப்பில் பன்சாலி மீது தாக்குதல்: இந்தி திரையுலகினர் கடும் எதிர்ப்பு, Published: January 28, 2017 14:23 ISTUpdated: January 28, 2017 14:49 IST.

[8]http://tamil.thehindu.com/cinema/bollywood/%E0%AE%AA%E0%AE%A4%E0%AF%8D%E0%AE%AE%E0%AE%BE%E0%AE%B5%E0%AE%A4%E0%AE%BF-%E0%AE%AA%E0%AE%9F%E0%AE%AA%E0%AF%8D%E0%AE%AA%E0%AE%BF%E0%AE%9F%E0%AE%BF%E0%AE%AA%E0%AF%8D%E0%AE%AA%E0%AE%BF%E0%AE%B2%E0%AF%8D-%E0%AE%AA%E0%AE%A9%E0%AF%8D%E0%AE%9A%E0%AE%BE%E0%AE%B2%E0%AE%BF-%E0%AE%AE%E0%AF%80%E0%AE%A4%E0%AF%81-%E0%AE%A4%E0%AE%BE%E0%AE%95%E0%AF%8D%E0%AE%95%E0%AF%81%E0%AE%A4%E0%AE%B2%E0%AF%8D-%E0%AE%87%E0%AE%A8%E0%AF%8D%E0%AE%A4%E0%AE%BF-%E0%AE%A4%E0%AE%BF%E0%AE%B0%E0%AF%88%E0%AE%AF%E0%AF%81%E0%AE%B2%E0%AE%95%E0%AE%BF%E0%AE%A9%E0%AE%B0%E0%AF%8D-%E0%AE%95%E0%AE%9F%E0%AF%81%E0%AE%AE%E0%AF%8D-%E0%AE%8E%E0%AE%A4%E0%AE%BF%E0%AE%B0%E0%AF%8D%E0%AE%AA%E0%AF%8D%E0%AE%AA%E0%AF%81/article9507205.ece

[9] விகடன், இயக்குனர் பன்சாலிக்கு அடி: கொதித்தெழுந்த பாலிவுட், Posted Date : 18:45 (28/01/2017); Last updated : 18:49 (28/01/2017

http://www.vikatan.com/news/india/79035-bollywood-stars-condemn-the-attack-on-sanjay-leela-bansali.art

[10] http://www.vikatan.com/news/india/79035-bollywood-stars-condemn-the-attack-on-sanjay-leela-bansali.art

ஶ்ரீ ராமானுஜர் திரைப்படம், துலுக்கநாச்சியார், சரித்திர ஆதாரங்கள் இல்லாத கட்டுக்கதைகளை வளர்க்கும் விதம்!

பிப்ரவரி 7, 2014

ஶ்ரீ ராமானுஜர் திரைப்படம், துலுக்கநாச்சியார், சரித்திர ஆதாரங்கள் இல்லாத கட்டுக்கதைகளை வளர்க்கும் விதம்!

மாலிக்ககாபூர் -ரங்கநாதர்-துலுக்கநாச்சி

மாலிக்ககாபூர் -ரங்கநாதர்-துலுக்கநாச்சி

ஶ்ரீராமானுஜர்  திரைப்படம்  உருவாகி  வருகிறது: கடந்த ஜூலை 2013லேயே, “ஶ்ரீ ராமானுஜர்” திரைப்படம் உருவாகி வருவதைப் பற்றிய செய்திகள் வெளிவந்தன[1]. “தி ஹிந்து” ஸ்டில்களுடன் சரித்திர ரீதியில் ஒரு குறிப்பையும் கொடுத்ததது[2]. இந்து மதத்தில் தோன்றிய மகான் ஸ்ரீராமானுஜரின் சரித்திரம் திரைப்படமாக உருவாகிக் கொண்டிருக்கிறது. ஸ்ரீராமானுஜர் என்ற டைட்டிலுடன் உருவாகும் இந்தப் படத்தை ஹையகிரீவா சினி ஆர்ட்ஸ் [Hyagreeva Cine Arts] என்ற நிறுவனம் சார்பாக தி.கிருஷ்ணன், பி.ஆர்.சேதுராமன் இருவரும் இணைந்து தயாரிக்கும் படம், பெரும் பொருட் செலவில் தயாரிக்கிறது[3]. ரவி.வி.சந்தர் டைரக்ட் செய்கிறார். ஸ்ரீராமானுஜராக கிருஷ்ணன் என்பவர் நடிக்கிறார். இப்படி செய்திகள் தொடர்ந்தன.

கோவிந்தராஜனுக்கு பதிலாக ரங்கநாதன் கட்டுக்கதை

கோவிந்தராஜனுக்கு பதிலாக ரங்கநாதன் கட்டுக்கதை

ராமானுஜராக  நடித்து  இயக்கும் கிருஷ்ணன்: தயாரிப்பாளர்களில் ஒருவரான இவர், “நான் பணக்காரக் குடும்பத்திலிருந்து வரவில்லை. இன்றைக்கு ஶ்ரீ ராமனுஜரின் அனுக்கிரகத்தினால் நான் ஒரு கப்பல் கம்பெனியை வெற்றிக்கரமாக நடத்தி வருகின்றேன். இப்படத்தை அவருக்கேக் காணிக்கையாக சமர்ப்பிக்கிறேன். இன்றைய இளைஞர்கள் நம்முடைய பாரம்பரியத்தை அறியவேண்டிய அவசியம் உள்ளது”, விளக்கினார். எப்படியிருந்தால் என்ன, பணம் இல்லாமல், சினிமா எடுக்கமுடியாது, சினிமா எடுப்பதால், பணம் இருக்கிறது என்றாகிறது.

ராமானுஜர் ரங்கநாதர்

ராமானுஜர் ரங்கநாதர்

ராமானுஜரின் காலம்: ராமானுஜரின் காலம் 1017-1137 CE என்று சரித்திர ஆசிரியர்கள் கருதுகிறார்கள். டி. என். சுப்ரமணியம் என்கின்ற கல்வெட்டு ஆராய்ச்சியாளர் 1077-1197 CE என்று வாதிட்டார். ஏனெனில் குலோத்துங்கன் – II சிதம்பரத்தில் இருந்த கோவிந்தராஜர் விக்கிரகத்தை கடலில் எரிந்ததால், அவன் காலத்தில் ராமானுஜர் இருக்கவேண்டும் என்று வாதிட்டார். ஓய்வு பெற்ற எஸ். ராமசந்திரன் என்ற கல்வெட்டு ஆராய்ச்சியாளர், குலோத்துங்கன் வைஷ்ணவத்திற்கு விரோதமாக இருந்தான் என்று, “அரி சமயம் மீட்டெடுத்த” என்ற ராஜராஜன் – II மெய்கீர்த்திக் கல்வெட்டைக் குறிப்பிட்டு வாதிடுகிறார். சோழர்கள் வைஷ்ணவத்திற்கு விரோதிகள் அல்லர் என்று மற்றவர்கள் வாதிடுகின்றனர்.

ஶ்ரீரங்கநாதர்

ஶ்ரீரங்கநாதர்

சோழர்கள்  வைஷ்ணவ  விரோதிகளா?: அன்னிகேரே (தார்வார்) என்ற இடத்தில் உள்ள கல்வெட்டைக் குறிப்பிட்டு, “குரூரமான சோழன் தன்னுடைய சமய குடும்ப பின்பற்றப்பட்டு வரும் முறைகளை விடுத்து பெலெவோலா என்ற இடத்தில் நுழைந்தான்; ஜைன கோவில்களை அழித்தான்; கங்கமண்டலத்தின் அதிபதியான கங்கபெருமானடி என்ற இடத்தில் கட்டிய கோவிலையும் இடித்தான்”, என்ற தகவல்களை எடுத்துக் காட்டினார். ராஜேந்திர சோழன் – I பெண்களையும், குழந்தைகளையும் கொன்றான்; பெண்களைக் கவர்ந்து கொண்டு சென்றான், என்று ஹோட்டூர் (தார்வார்) கல்வெட்டு ஆதாரமாக சொன்னார். சாளுக்கியனின் சேனாதிபதியான, சாமுண்டராஜனின் ஒரே மகளான நாகளையி மூக்கை அறுத்தான்; அஹவமல்லா என்ற சாளுக்கியனைத் தோற்கடித்தப் பிறகு அவனுடைய வயதிற் சிறிய ராணிகளையும் மற்ற பெண்களையும் கவர்ந்து சென்றான், என்று அவர்களுடைய மெய்க்கீர்தியில் உள்ளது என்று விவரித்தார். அதாவது இவையெல்லாம், சோழர்கள் எப்படி குரூரமானவர்கள் என்பதை காட்டுவ்வதற்காக விளக்கினாராம். அதனால், அவர்கள் வைஷ்ணவத்திற்கு விரோதமாக செயல்பட்டிருக்கலாம் என்ற வாதத்திற்கு பலத்தை ஏற்படுத்துகிறார்[4].

துலுக்கநாச்சி உதாரண சித்திரம்  - ஶ்ரீரங்கம் கோவில்

துலுக்கநாச்சி உதாரண சித்திரம் – ஶ்ரீரங்கம் கோவில்

ஶ்ரீரங்கத்தில் ஒரு  துலுக்கநாச்சியார் / பீவிநாச்சியார்: இது இப்படி இருக்கும் நிலையில், சரித்திர ஆதாரம் இல்லாத “துலுக்க நாச்சியார்” விசயத்தையும் இதில் சேர்த்துள்ளனர். “ஸ்ரீரங்கத்தை முஸ்லீம்கள் கொள்ளையிட்டுச் சென்ற போது டில்லி பாதுஷாவினால் கொண்டு செல்லப்பட்ட ஒரு ரங்கநாதன் விக்கிரகத்தின் மீது பாதுஷாவின் மகள் மனதைப் பறிகொடுத்து அப்பெருமானிடமேஅடைக்கலமாகி விட்டாள். பின்னால் அந்த விக்கிரகத்தை மீட்டுக் கொண்டுவந்தபோது பாதுஷாவின் மகளும் பிரிவாற்றாமையால் பின்தொடர்ந்து வந்து அந்த ரங்கநாதனிடமே ஐக்கியமாகிவிட அப்பெண்ணுக்குத் துலுக்க நாச்சியார் என்றே பெயரிட்டு பெருமைபடுத்திப் போற்றித் துதித்தனர் வைணவர்கள்[5]. இந்நிகழ்வை நினைவுகூறும் முகத்தான் ஸ்ரீரங்கத்தில் மார்கழி மாதம் நடைபெறும் ஏகாதசி திருவிழா பகல் பத்துத் திருநாளிலே உற்சவப் பெருமாளான நம்பெருமாள் முஸ்லீம் இனத்தவரைப் போன்று லுங்கி வஸ்திரம் கட்டிக்கொண்டு இந்த துலுக்க
நாச்சியாருக்கு காட்சி தரும் வழக்கம் தொன்று தொட்டு இன்றும்
நடந்துவருகிறது.   துலுக்க நாச்சியாருக்கு எம்பெருமான் ஒருவனே புகலிடம். அவனின்றி
தனக்கு வேறு கதியில்லை என்ற (சரணாகதி பூண்ட) வைணவ சித்தி
விளைந்ததால் ஆச்சார்ய ஸ்தானத்தில் வைத்துத் தொழத்தக்கப் பெருமை
பெறுகிறார்”, என்றெல்லாம் குறிப்புகள் காணப்படுகின்றன[6]. ஆனால், இதற்கு ஆதாரங்கள் எவையும் இல்லாமல், வாய்வழி வந்தவை பிறகு எழுதி வைத்ததாகத் தெரிகிறது.  இஸ்லாமியர்களுக்கு உருவ வழியாடு இல்லை என்பதால் இந்தச் சந்நிதியில் துலுக்க நாச்சியார் வண்ணச் சித்திரம் மட்டுமே இருப்பதைப் பார்க்கலாம்[7], என்கிறது ஒரு இணைதளம். இது இந்து கோவில் என்பதால், அத்தகைய விளக்கமே தேவையில்லை. ஒருமசூதியில் அவ்வாறிருந்து, அங்கு விக்கிரகம் இல்லையென்றால், அத்தகைய விளக்கம் பொறுந்தும். எனவே, பொய்கதையை எப்படியெல்லாம் வளர்க்கிறார்கள் என்று தெரிகிறது.

துலுக்கநாச்சி சந்நிதி - ஶ்ரீரங்கம் கோவில்

துலுக்கநாச்சி சந்நிதி – ஶ்ரீரங்கம் கோவில்

மேல்கோட்டையில் இன்னொரு துலுக்க நாச்சியார் / பீவிநாச்சியார்: “இதே போன்று கர்நாடக மாநிலத்தில் உள்ள மேல்க்கோட்டைதிருநாராயணபுரத்தில் செல்லப்பிள்ளைப் பெருமாளிடம் இரண்டறக் கலந்ததுலுக்க நாச்சியாரின் வரலாறும் மேற்படி நிகழ்வோடு ஒப்பு நோக்கத்தக்கதாகும்”, என்றும் அக்குறிப்பு எடுத்துக் காட்டுகிறது. அப்படியென்றால், இரண்டு இடங்களிலும், துலுக்கர்கள் விக்கிரங்களை, கோவில்களை இடித்து எடுத்துச் சென்றுள்ளனர். இரண்டு இடங்களிலும், இரண்டு துலுக்கநாச்சிகள் ரங்கநாதனிடம் காதல் கொண்டு ஐக்கியமாகி இருக்கவேண்டும். வைணவர்கள் இவ்வாறு கதைகளைக் கட்டி விட்டாலும், துலுக்கர்கள் / முஸ்லிம்கள் இக்கதைகளை ஏற்ருக் கொள்வதில்லை.

துலுக்க  நாச்சியாராக  நடிக்கும்  ஸ்ரேயா: ஏற்கனவே ‘சந்திரா’ படத்தில் மகாராணி சந்திராவதியாக நடித்த ஸ்ரேயா டில்லி பாதுஷாவின் மகள் பீவி நாச்சியாராக நடிக்கிறார்[8]. நீண்ட இடைவெளிக்குப் பிறகு ஸ்ரேயா நடிக்கும் நேரடி தமிழ் படம் இது, என்று செய்திகள் அல்லிக் கொட்டுகின்றன. சரி, அந்த பாதுஷா அல்லது மாலிக்காபூராக நடிப்பது யார் என்று சொல்லப்படவில்லை. ஸ்ரேவுக்கு சமமாக ஒரு நடிகர் நடிக்க வருவாரா என்று பார்க்க வேண்டும். ராதாரவி, ஸ்ரீமன், நிழல்கள்ரவி, உள்பட பலர் நடிக்கிறார்கள். படத்தின் பாடல்களை அமரர் வாலி எழுதிக் கொடுத்து விட்டு போய்விட்டார். இளையராஜா இசை அமைக்கிறார். பிர்மூர் தாமஸ் கேமராமேனாக பணியாற்றுகிறார்.

சாதிகளற்ற  சமுதாயம், எல்லா  மதத்தினருக்கும்   நற்கதிசெக்யூலரிஸத்தில்  திளைக்கும்  விசயங்கள்: சாதிகளற்ற சமுதாயம், எல்லா மதத்தினருக்கும் நற்கதி, பார்ப்பணர் என்ற பெயரில் நிலவிய பாகுபாட்டுக்கு எதிர்ப்பு என புரட்சியாளராய் வாழ்ந்த மகான் ஸ்ரீராமனுஜர்[9] என்கிறது ஒரு இணைதளம். சாதி வேறுபாடற்ற சமுதாயம், எல்லா மதத்தினருக்கும் நற்கதி என்ற கருத்தை அழுத்தம் திருத்தமாக போதித்த மகனானின் வாழ்க்கையே இந்தப் படம், என்று சிறிது மாற்றிக் கூறுகிறது இன்னொரு இணைதளம். “சாதிகளற்ற சமுதாயம்”, சரிதான், அதென்ன, “எல்லா மதத்தினருக்கும் நற்கதி”? துலுக்கர்கள் அதாவது முகமதியர் அதாவது முஸ்லிம்கள், கிருத்துவர்கள் ஒப்புக் கொள்வார்களா? ஏவிஎம் ஸ்டூடியோவில் பிரமாண்ட அரங்குகள் அமைக்கப்பட்டு படப்பிடிப்பு வேகமாக நடந்து வருகிறது, நீண்ட வருடங்களுக்கு பிறகு தமிழில் வரப்போகும் வரலாற்று காவியம் இது என்கிறார் இயக்குனர் ரவி.வி.சந்தர்[10]. கேமரா மேன், பிரைமஸ் தாஸ் ஒரு கிருத்துவராம், இவர் ராமானுஜரைப் பற்றிய புத்தகங்களைப் படித்துள்ளாராம். இப்படியாக செக்யூலரிஸப் பூச்சும் பூசப்படுகிறது.

வேதபிரகாஷ்

© 07-02-2014


[2] Suganti Krishnmachari, On a visionary and his mission, CHENNAI, July 11, 2013, Updated: July 11, 2013 19:14 IST

http://www.thehindu.com/features/friday-review/history-and-culture/on-a-visionary-and-his-mission/article4904719.ece

[4] There is evidence to show that the Cholas did not always adhere to dharmic rules, and were capable of barbarity. There is an inscription in Annigere in Dharwad, dated 1071 A.D. which speaks thus of Rajadhi Raja, grandson of Raja Raja the Great, and son of Rajendra Chola: “the wicked Chola, who had abandoned the religious observances of his family, penetrated into the Belvola country, and burnt the Jain temples, which Gangaperumanadi, the lord of Gangamandala, while governing Belvola, had built in Annigerenad.” An inscription in Hottur, Dharwad district, Karnataka, says that Rajendra Chola I slaughtered women and children and seized women. The meikeerthi of Vira Rajendra says he severed the nose of Nagalai, the only daughter of the Chalukya general, Chamundaraja. When Chalukya Ahavamalla was defeated, his chief queens Sattiyavai and Sangappai, other minor queens and many other women were carried away as war booty by Rajendra II, and his meikeerthi refers to this.